هذه قصيدة طويلة جداً لذا ما نقلتها كلها بل نقلت جزء منها:
بسم الله الرحمن الرحيم
لا صرت بايعني أشوفك على خير ... مع السلامه دام مابه سلامه
قلت انتهينا قلت لك خير يا طير ... ماني بأول شخص يخسر غرامه
محذرك من قبلها ألف تحذير ... لا عفتني بيعيف قلبي هيامه
ماني بميت ولا احتاج تبرير .... صح الله لسانك ووفر كلامه
بسمعك حب و فكره و تصوير .... وافهم عدل يا مدعي بالفهامه
وجه الشعر ابيض ويحتاج تغير ... ودي تزين هالقصيده علامه
ماضيك الأسود بذكره دون تقصير ... كذا يكون بخد هالشعر شامه
يصدق معي تعبير و يخون تعبير ... يا ضيعة الشاعر بوقت انسجامه
يمكن خطى أدونك بالشعر مير ... لو ما احترمتك للغرام احترامه
ما كان حبك غير بس طعنتك غير ... علمتني معنى الندم و الندامه
ماجاك مني أي زله و تقصير ... كل ما خطيت أعاتبك بابتسامه
حسبي على الذكرى إذا هبت عصير ... ما عاد تنفع شرهتي والملامه
البال ضامي وقتها والحزن بير ... خسرتك وهمي كسبت اهتمامه
( وسلامتكم)