يقولك فيه عجوز على فراش الموت وما عندها إلا ولد واحد .... وهي على فراش
الموت
قالت له وصية
خذ ياولدي الورقة هذي ... وأي بنت تشوفها ( بأي مكان ) إفتح لها الورقة ( وخلها
تقراها )
وياويلك (( إذا قريت اللي فيها )) أنت ما تشوفها
ماتفتح الورقة .... إلا إذا وافتك المنية ... وقربت تموت
قالها إبشري ....... وماتت الأم <== الله يرحمها
حزن الولد حزن شديد .... وضاق صدره
بعد مده ..... قال لازم أنفذ وصية أمي
طلع للشارع .... وبالصدفة وهو مار من عند ( محل قهوه )
قال يالله ... اضرب لي فنجال قهوة أعدل الراس فيه
دخل المطعم ........ طلب قهوة
يتله الجرسون ( بنت ) ... وقدمت له القهوة
وهو يشرب القهوة ... قال ليش ما أوريها الورقة ... فكرة والله
قام الريال وفتح لها الورقة
البنت على طوووووول ... قامت تصارخ عليه
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... ياسافل
الريال .... ... مايدري شنو السالفة
ياله صاحب القهوه .... وطرده
المسيكين ضاق صدره ... وحزت في خاطره
قال أكيد البنت هذي مينونة ... أكيد فيها شي
طلع من القهوه ... ومشي في الشارع ... وبالصدفة لقى مدينة ملاهي ... قال أبي أدخل
فيها
دخل الملاهي ... وراح يلعب فيها
راح إلى لعبة تصادم السيارات <=== يحبها من يوم كان صغير
مالقى ولا سيارة فاضية .... شافته بنت ... قالت له .. تعال إركب معاي
الريال استانس ... فرح ... ركب معاها ... وقام يلعب
وسوالف ... .. وسعه صدر
وبالأخير .... عزمته على آيسكريم .... إنهبل ... ماصدق خبر
راحوا يشترون آيسكريم ... وقعد يسولف معاها
قال أبي أوريها الورقة ... أكيد تختلف عن البنت اللي في القهوه ... فتح لها
الورقة
البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
صطرته ... انحاش منها
هم الرجال ..... مايدري شنو الطبخة
ونفسه يقرأ اللي في الورقة ... لكن أمة ... محذرته
راح للبيت ... مر على مطعم ... قال ليش ما أتعشى
طلب عشاء عيش .... ... وشبع
بالليل عوره بطنه ... قام يتوجع ... الظاهر فيه ( زايدة )
طار للمستشفى ... سووا له عملية زايدة
يوم صحى من النوم ... شاف الممرضة قدامة ... قال أكيد هذي تختلف عن الباقيات
هي بترحمني ... أنا مريض ... وراح تعطف علي
وقام أخينا بالله ... ووراها الورقة
البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
وقومي وأحذفيه من عند الدريشة ( النافذة )
إنهبل الريال ..... جن جنونه .... قال مالي قعده بالبلد هذي ..... أكيد كلهن
ميانين
مالي إلا السفر ..... خارج الديرة هذي
قص تذكرة على اول رحلة خارج البلد .... ركب الطيارة
وقعد في الكرسي ... يت المضيفة تخدمــه <== بنت ... أنتم عارفين شنو بيسوي لها
يابت له العصير ... وقال بإذن الله راح أوريها الورقة
أكيد هذولي البنات .. راقيات... ومحترمين
فتح الورقة لها .......... والبنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... ياسافل
والله لأنادي لك السوبرفايزر ... أشتكيه عليك
ايا السوبرفايزر ... وسمع القصة من المضيفة
قال ..... أبداً .... أبداً .... مالك قعدة بالطيارة هذي ... أبداً
ما فيه إلا حل واحد ........ ما فيه غيره .... نقطك من عند باب الطيارة <==
والله ياناس حرام
إنهبل الرجال وانقهر.... وهم ما يدري شنو الطبخة ..... قال لهم
معزمين من عند الباب
قالوا أبد ... من عند الباب ... قال شكواي إلى الله
اللهم إني أنفذ وصية أمي ...... زين ... أنا عندي طلب ممكن ...... قالوا تفضل
قال لهم ... وأنا واقف عند الباب .... قبل ما تطيحوني على الأرض .... ودي أقراً
الورقة
لأني سالفة أمي كذا وكذا ... وقالهم إن أمة موصيته إنه مايقرأ الورقة ... إلا
إذا بيموت
وهو أكيد راح يموت لأنه بيطيح من الطيارة
الزبدة ... وهو واقف على الباب ومفتوح حاسهم الهواء ... عجزوا يسوقون الطيارة
وعلى وشك إنهم يدزونه علشان يطيح .... فتح الورقة ..... عشان يقراها
الريال أول ما إنفتح الباب ... فتح الوررقة
شنو صار له
طارت الورقة
ودفوووووه من عند الباب وطاااااح
ومات المسكين وهو ما يدري وش في الورقة
وأنا
بعد مادري شنو فيهاااااااااااااا ....
موضوع: ورقه هبلت البنات 
الجمعة مارس 28, 2008 3:53 am
